ഗ്രൂപ്പ് ഹെൽത്ത് ഇൻഷുറൻസ് പദ്ധതി
ഗ്രൂപ്പ് ഹെൽത്ത് ഇൻഷുറൻസ് സ്കീം പുതുക്കുന്നതുമായി ബന്ധപ്പെട്ട് 22.05.2024-ന് കോർപ്പറേറ്റ് ഓഫീസിൽ യോഗം ചേർന്നു. PGM (Admn) ശ്രീ സഞ്ജീവ് ത്യാഗിയുടെ അധ്യക്ഷതയിൽ കൂടിയ യോഗത്തിൽ PGM(Estt), PGM(SR), DGM(Admn) എന്നിവർ പങ്കെടുത്തു. സഖാക്കൾ അനിമേഷ് മിത്ര, C.K. ഗുണ്ടണ്ണ, അശ്വിൻ കുമാർ എന്നിവർ സംഘടനയുടെ ഭാഗമായി യോഗത്തിൽ പങ്കെടുത്തു. മറ്റ് അംഗീകൃത യൂണിയനുകളുടെയും അസോസിയേഷനുകളുടെയും പ്രതിനിധികളും പങ്കെടുത്തു. ഓറിയൻ്റൽ ഇൻഷുറൻസ് കമ്പനിയുടെ അന്തിമ നിർദ്ദേശങ്ങൾ മാനേജ്മെൻ്റ് വിശദീകരിച്ചു. ഇതനുസരിച്ച് പ്രീമിയം നിരക്കുകൾ 1.27% വർധിപ്പിച്ചു. പ്രീമിയത്തിൻ്റെ 50% എങ്കിലും മാനേജ്മെൻ്റ് വഹിക്കണമെന്ന BSNLEU-ൻ്റെ ആവശ്യം അംഗീകരിച്ചില്ല. ബിഎസ്എൻഎൽ മാനേജ്മെൻ്റും ഓറിയൻ്റൽ ഇൻഷുറൻസ് കമ്പനിയും പ്രീമിയം തുക രണ്ട് തവണകളായി ഈടാക്കാൻ സമ്മതിച്ചു. ഭരണപരമായ കാരണങ്ങളാൽ ഈ പദ്ധതി 01.06.2024 മുതൽ നടപ്പിലാക്കാൻ കഴിയില്ലെന്ന് മാനേജ്മെൻ്റ് വ്യക്തമാക്കി. എന്നാൽ 2024 ജൂൺ 15 മുതൽ നടപ്പിലാക്കുമെന്ന് ഉറപ്പുനൽകി. പ്രീമിയം നിരക്കുകളുടെ വിശദാംശങ്ങളും മറ്റ് വിവരങ്ങളും ഇതോടൊപ്പം ചേർത്തിരിക്കുന്ന കുറിപ്പിൽ നൽകിയിരിക്കുന്നു.
