ബിഎസ്എൻഎല്ലിൻ്റെ ഗാസിയാബാദിലുള്ള 6000 കോടി രൂപ വിലമതിക്കുന്ന 81 ഏക്കർ സ്ഥലവും അതിൽ സ്ഥിതി ചെയ്യുന്ന അഡ്വാൻസ്ഡ് ലെവൽ ടെലകോം ട്രെയിനിങ് സെൻ്ററും ഏകപക്ഷീയമായി ഏറ്റെടുക്കാനുള്ള കേന്ദ്രസർക്കാർ തീരുമാനത്തിനെതിരെ രാജ്യവ്യാപകമായി ബിഎസ്എൻഎൽ ജീവനക്കാർ ആൾ യൂണിയൻസ്/അസോസിഷൻ്റെ നേതൃത്വത്തിൽ പ്രതിഷേധിച്ചു. കേരളത്തിൽ എല്ലാ ജില്ലാ ആസ്ഥാനങ്ങളിലും പ്രതിഷേധ പ്രകടനങ്ങളും യോഗങ്ങളും നടന്നു.