ഹൈദരാബാദിൽ നടന്ന ബിഎസ്എൻഎൽ എംപ്ലോയീസ് യൂണിയൻ കേന്ദ്ര പ്രവത്തക സമിതി യോഗം സമാപിച്ചു. ജനറൽ സെക്രട്ടറി അവതരിപ്പിച്ച റിപ്പോർട്ടിന്മേൽ നടന്ന ചർച്ചകളിൽ പങ്കെടുത്തുകൊണ്ട് സർക്കിൾ സെക്രട്ടറിമാർ ഉൾപ്പടെ 37 പ്രവർത്തകസമതി അംഗങ്ങൾ സംസാരിച്ചു. നോൺ എക്സിക്യൂട്ടീവ് ജീവനക്കാരുടെ പ്രശ്നങ്ങൾ പരിഹരിക്കണമെന്ന് ആവശ്യപ്പെട്ട് പ്രക്ഷോഭ പരിപാടികൾ സംഘടിപ്പിക്കുക, അടുത്ത അഖിലേന്ത്യാ സമ്മേളനം 2022 മാർച്ചിൽ നടത്തുക, ജീവനക്കാർക്ക് പഠന ക്ലാസുകൾ സംഘടിപ്പിക്കുക എന്നിവ സംബന്ധിച്ചിട്ടുള്ള തീരുമാനങ്ങളും എടുത്തിട്ടുണ്ട്. പൊതുമേഖല സ്വകാര്യവൽക്കരണം, ജനാധിപത്യ, ട്രേഡ് യൂണിയൻ അവകാശങ്ങൾ നിഷേധിക്കൽ തുടങ്ങിയവക്കെതിരെകേന്ദ്ര ട്രേഡ് യൂണിയനുകൾ നടത്തുന്ന പ്രഷോഭ പരിപാടികളിൽ സജീവമായി പങ്കെടുക്കുവാനും യോഗം തീരുമാനിച്ചു.