BSNL എംപ്ലോയീസ് യൂണിയൻ്റെ നിരന്തര സമ്മർദ്ദഫലമായി ഭേദഗതികൾ വരുത്തിക്കൊണ്ട് JAO റിക്രൂട്ട്മെൻ്റ് റൂൾസ് പ്രസിദ്ധീകരിച്ചു. ഡിപ്പാർട്ട്മെൻ്റ് ഒഴിവുകളിൽ (50%) അപേക്ഷിക്കുന്ന ജീവനക്കാർക്കുവേണ്ട യോഗ്യതകൾ വിദ്യാഭ്യാസ യോഗ്യത – ഡിഗ്രിസർവീസ് യോഗ്യത – NE 9 സ്കെയിലിലോ (13,600 – 25,420) അതിനുമുകളിലോ മൊത്തം 5 വർഷം പൂർത്തീകരിച്ചവർവയസ് – പരീക്ഷ നോട്ടിഫൈ ചെയ്യുന്ന വർഷം ജനുവരി 1 ന് 55 വയസ് പൂർത്തിയാക്കാത്തവർ

കോവിഡ് വ്യാപനം രൂക്ഷമായ സാഹചര്യത്തില്‍ മാറ്റിവച്ച ബിഎസ്എന്‍എല്‍ എംപ്ലോയീസ് യൂണിയന്‍ പത്താമത് സംസ്ഥാന സമ്മേളനം 2022 മാര്‍ച്ച് 15,16 തീയതികളില്‍ കൊല്ലത്ത് വച്ച് ചേരുവാന്‍ ബിഎസ്എന്‍എല്‍ എംപ്ലോയീസ് യൂണിയന്‍ സംസ്ഥാന കമ്മിറ്റി തീരുമാനിച്ചു. സിഐടിയു ദേശീയ സെക്രട്ടറിയും മുൻ എംപിയുമായ കെ.ചന്ദ്രൻ പിള്ള സമ്മേളനം ഉദ്‌ഘാടനം ചെയ്യും. ബിഎസ്എന്‍എല്‍ എംപ്ലോയീസ് യൂണിയന്‍ അഖിലേന്ത്യാ ജനറൽ സെക്രട്ടറി പി.അഭിമന്യു, സ്ഥാപക ജനറൽ സെക്രട്ടറി വി.എ.എൻ.നമ്പൂതിരി,…

BSNL നേരിട്ട് നിയമിച്ച ജീവനക്കാർക്കുവേണ്ടി ഒരു പെൻഷൻ സ്‌കീം 5.5.2016 മുതൽ നിലവിൽ വന്നു. LIC ആണ് ഫണ്ട് മാനേജർ. ഇതുപ്രകാരം നേരിട്ട് നിയമിച്ച ജീവനക്കാർ വിരമിക്കുകയോ മരണപ്പെടുകയോ ചെയ്താൽ ഈ പദ്ധതി പ്രകാരം ജീവനക്കാർക്ക് / ആശ്രിതർക്ക് പെൻഷൻ ആനുകൂല്യങ്ങൾ ലഭിക്കുന്നതിനുള്ള മാർഗ്ഗനിർദ്ദേശങ്ങൾ കോർപ്പറേറ്റ് ഓഫീസ് 2022 ജനുവരി 14 ന് പുറത്തിറക്കിയിട്ടുണ്ട്. കേരളത്തിൽ 251 ജീവനക്കാർ ഇക്കാലയളവിൽ വിരമിക്കുകയോ മരണപ്പെടുകയോ…

കേന്ദ്ര ട്രേഡ് യൂണിയനുകളുടെ നേതൃത്വത്തിൽ മാർച്ച് 28,29 തീയതികളിൽ നടക്കുന്ന പണിമുടക്കിന് മുന്നോടിയായി BSNL എംപ്ലോയീസ് യൂണിയൻ്റെ നേതൃത്വത്തിൽ രാജ്യവ്യാപകമായി ഓഫീസ് എക്സ്ചേഞ്ചുകൾക്ക് മുൻപിൽ വിശദീകരണ യോഗങ്ങൾ സംഘടിപ്പിച്ചു.

2022 മാർച്ച് 28, 29 തീയതികളിൽ നടക്കുന്ന പൊതു പണിമുടക്ക് വിജയകരമായി സംഘടിപ്പിക്കുന്നതിനാവശ്യമായ പ്രവർത്തനങ്ങളെക്കുറിച്ച് ആലോചിച്ച് തീരുമാനം എടുക്കുന്നതിനുവേണ്ടി യൂണിയൻ്റെ വിപുലീകൃത കേന്ദ്ര പ്രവർത്തക സമിതി യോഗം ഓൺലൈനിലൂടെ ചേർന്നു. കേന്ദ്ര ഭാരവാഹികൾ, സർക്കിൾ സെക്രട്ടറിമാർ, ജില്ലാ സെക്രട്ടറിമാർ ഉൾപ്പടെ 236 സഖാക്കൾ യോഗത്തിൽ പങ്കെടുത്തു. അടുത്തകാലത്ത് നമ്മെ വിട്ടുപിരിഞ്ഞ പ്രമുഖ രാഷ്ട്രീയ സാംസ്‌കാരിക മേഖലകളിലെ പ്രമുഖ വ്യക്തികൾക്ക് യോഗം അനുശോചനം രേഖപ്പെടുത്തിക്കൊണ്ട്…

സർക്കിൾ പ്രവർത്തക സമിതി യോഗം ഫെബ്രുവരി 12 ന് (ശനിയാഴ്ച) ഉച്ചക്ക് 2.30 ന് ഓൺലൈനിലൂടെ ചേരുന്നു. സംസ്ഥാന ഭാരവാഹികളും ജില്ലാ സെക്രട്ടറിമാരും കൃത്യമായി യോഗത്തിൽ പങ്കെടുക്കണമെന്ന് അഭ്യർത്ഥിക്കുന്നു.

2022 മാർച്ച് 28,29 തീയതികളിൽ നടക്കുന്ന പൊതു പണിമുടക്കിൽ ഉന്നയിച്ചിരിക്കുന്ന പൊതു ഡിമാന്റുകളും ബിഎസ്എൻഎൽ എംപ്ലോയീസ് യൂണിയൻ മുന്നോട്ടുവച്ച ഡിമാന്റുകളും വിശദീകരിക്കുന്നതിന് മുഴുവൻ ജീവനക്കാരെയും അണിനിരത്തി ഓഫീസുകൾക്ക് മുൻപിൽ 08.02.2022 ന് വിശദീകരണ യോഗങ്ങൾ സംഘടിപ്പിക്കാൻ അഖിലേന്ത്യ യൂണിയൻ ആഹ്വാനം ചെയ്തിരിക്കുന്നു. എല്ലാ ജില്ലകളിലും വിശദീകരണ യോഗങ്ങൾ സംഘടിപ്പിക്കണമെന്ന് അഭ്യർത്ഥിക്കുന്നു.

ദേശീയ പാതാ (എൻഎച്ച് 66) വികസന പ്രവർത്തനങ്ങൾക്കിടെ ബിഎസ്എൻഎൽ ഒപ്റ്റിക്കൽ ഫൈബർ കേബിളുകൾക്കും മറ്റ് ഉപകരണങ്ങൾക്കും കേടുപാടുകൾ സംഭവിക്കുന്നത് ഒഴിവാക്കണമെന്നും ഉചിതമായ സ്ഥലത്തേയ്ക് മാറ്റി സ്ഥാപിക്കാൻ നടപടിയെടുക്കണമെന്നും ആവശ്വപ്പെട്ടുകൊണ്ട് എയുഎബി നേതാക്കൾ പൊതുമരാമത്ത് വകുപ്പ് മന്ത്രി ശ്രീ. മുഹമ്മദ് റിയാസിനെ കണ്ട് നിവേദനം നൽകി. വിഷയം ഗൗരവപൂർവ്വം പരിഗണിക്കാമെന്ന് മന്ത്രി ഉറപ്പുനൽകി.

2022 ജനുവരി മുതൽ BSNL ജീവനക്കാരുടെയും പെൻഷൻകാരുടെയും IDA 4.8% വർധിപ്പിച്ച് BSNL ഉത്തരവായി. ജനുവരി മുതൽ ലഭിക്കുന്ന IDA 184.1%. നിലവിൽ ലഭിച്ചുകൊണ്ടിരിക്കുന്ന IDA 179.3%.

2022 ഫെബ്രുവരി മാസം മുതൽ ജീവനക്കാരുടെ ശമ്പളത്തിൽ നിന്ന് LIC/PLI ഉൾപ്പെടെയുള്ള പ്രീമിയം/ലോൺ തുകകൾ റിക്കവറി ചെയ്ത് ബന്ധപ്പെട്ട സ്ഥാപനങ്ങൾക്ക് നൽകില്ലായെന്ന കോർപ്പറേറ്റ് ഓഫീസ് ഉത്തരവിനെതിരെ സർക്കിൾ യൂണിയൻ നൽകിയ കത്തിനെ അടിസ്ഥാനമാക്കി സർക്കിൾ അഡ്മിനിസ്ട്രേഷൻ കോർപ്പറേറ്റ് ഓഫീസിന് നൽകിയ കത്ത്.