എംടിഎൻഎല്ലിൻ്റെ സേവനങ്ങൾ ബിഎസ്എൻഎൽ ഏറ്റെടുക്കുന്നതുമായി ബന്ധപ്പെട്ട് അംഗീകൃത യൂണിയനുകളുമായും അസോസിയേഷനുകളുമായും ഡയറക്ടർ (എച്ച്ആർ) ശ്രീ കല്യാൺ സാഗർ നിപ്പാനി ഇന്ന് (07-11-2024) കൂടിക്കാഴ്ച്ച നടത്തി. ശ്രീമതി.അനിതാ ജോഹ്രി, പിജിഎം(എസ്ആർ) സന്നിഹിതയായിരുന്നു. എല്ലാ അംഗീകൃത യൂണിയനുകളുടെയും അസോസിയേഷനുകളുടെയും പ്രതിനിധികൾ യോഗത്തിൽ പങ്കെടുത്തു. ഇന്നത്തെ സാഹചര്യത്തിൽ എംടിഎൻഎൽ അടച്ചുപൂട്ടാൻ സാധ്യതയുള്ളതിനാൽ, മുംബൈയിലും ഡൽഹിയിലും ടെലികോം സേവനങ്ങൾ നൽകാൻ ബിഎസ്എൻഎല്ലിന് നിർദ്ദേശം നൽകാൻ സർക്കാർ തീരുമാനിച്ചതായി മനസ്സിലാക്കുന്നു. എംടിഎൻഎല്ലിൻ്റെ നെറ്റ്‌വർക്കുകൾ കൂടുതലും തകരാറിലാണ്. അതേസമയം ബിഎസ്എൻഎല്ലിൻ്റെ സാമ്പത്തിക സ്ഥിതിയും മോശമാണ്. ഇത്തരമൊരു സാഹചര്യത്തിൽ, മുംബൈയിലും ഡൽഹിയിലും മൊബൈലും മറ്റ് സർവ്വീസുകളും പുനഃസ്ഥാപിക്കുന്നതിനുള്ള ചെലവ് വഹിക്കാൻ ബിഎസ്എൻഎല്ലിനെ നിർബന്ധിക്കരുത്. ഇന്നത്തെ യോഗത്തിൽ സഖാവ് പി.അഭിമന്യു ഇക്കാര്യം ശക്തമായി ഉന്നയിച്ചു. എന്നാൽ, ഇന്നത്തെ യോഗത്തിൽ ഡയറക്ടർ (എച്ച്ആർ) ഏറ്റെടുക്കലിനെ കുറിച്ചുള്ള പൂർണ്ണമായ വിശദാംശങ്ങൾ നൽകിയില്ല.
255 MTNL എക്സിക്യൂട്ടീവുകളെ BSNL-ൽ വിന്യസിക്കുന്നത് സംബന്ധിച്ച് അദ്ദേഹം യൂണിയനുകളുമായും അസോസിയേഷനുകളുമായും കൂടിയാലോചിക്കുക മാത്രമാണ് ചെയ്തത്. യൂണിയനുകളുമായും അസോസിയേഷനുകളുമായും കൂടിയാലോചന ഒരു ഔപചാരികത മാത്രമാകരുതെന്ന് ജനറൽ സെക്രട്ടറി വ്യക്തമാക്കി. എംടിഎൻഎല്ലിൻ്റെ സേവനങ്ങൾ ബിഎസ്എൻഎൽ ഏറ്റെടുക്കുന്നതിൻ്റെ പൂർണ്ണ വിവരങ്ങൾ മാനേജ്മെൻ്റ് നൽകണമെന്ന് അദ്ദേഹം ആവശ്യപ്പെട്ടു. ഡയറക്ടർ (എച്ച്ആർ) ഇത് അംഗീകരിക്കുകയും പൂർണ്ണമായ വിശദാംശങ്ങളുമായി ഒരു യോഗം നടത്താമെന്ന് ഉറപ്പ് നൽകുകയും ചെയ്തു.