സ്‌പെഷ്യൽ JTO LICE പരീക്ഷയുടെ ഫലം ഇതുവരെ പ്രഖ്യാപിച്ചിട്ടില്ല. പിഡബ്ല്യുഡി (അംഗപരിമിതർ) സംവരണം ആവശ്യപ്പെട്ട് ചില ഉദ്യോഗാർത്ഥികൾ നൽകിയ കേസിൽ ന്യൂഡൽഹിയിലെ പ്രിൻസിപ്പൽ സിഎടി ഫലപ്രഖ്യാപനത്തിന് സ്റ്റേ നൽകിയതാണ് കാരണം. ഈ കേസ് 31-01-2023 ന് വാദം കേൾക്കുന്നതിനായി ലിസ്റ്റ് ചെയ്തിരുന്നു. എന്നാൽ ഈ കേസിനോടൊപ്പം മറ്റു നിരവധി കേസുകൾ ലിസ്റ്റ് ചെയ്തതിനാൽ സമയ പരിമിതി മൂലം വാദം നടന്നില്ല. അതിനാൽ ഈ കേസിൻ്റെ വാദം കേൾക്കുന്നത് 07-02-2023 ലേക്ക് മാറ്റി. അന്ന് സ്റ്റേ നീക്കം ചെയ്യുമെന്ന് പ്രതീക്ഷിക്കുന്നു. സ്റ്റേ നിലവിലുള്ളതിനാൽ മാനേജ്മെൻ്റിന് ഫലം പ്രഖ്യാപിക്കാൻ കഴിയില്ല. അങ്ങനെ ചെയ്താൽ, സിഎംഡി ബിഎസ്എൻഎൽ “കോടതി അലക്ഷ്യ നടപടികൾ” നേരിടേണ്ടി വരും. ഇതാണ് ഈ കേസുമായി ബന്ധപ്പെട്ട വസ്തുത. എന്നാൽ, ഫലപ്രഖ്യാപനത്തിനായി ബിഎസ്എൻഎൽഇയു ഒരു നടപടിയും സ്വീകരിക്കുന്നില്ലെന്ന തെറ്റായ വിവരമാണ് പ്രചരിക്കുന്നത്. തെറ്റായ പ്രചരണങ്ങൾ അവഗണിക്കണമെന്ന് സഖാക്കളോട് അഭ്യർത്ഥിക്കുന്നു.