ജീവനക്കാർക്ക് ട്രേഡ് യൂണിയൻ വിദ്യാഭ്യാസം നൽകണമെന്ന് BSNL എംപ്ലോയീസ് യൂണിയൻ്റെ ഹൈദരാബാദ് CEC യോഗത്തിൽ ഉയർന്നുവന്ന ചർച്ചയുടെ അടിസ്ഥാനത്തിൽ അഖിലേന്ത്യാ തലത്തിൽ തന്നെ യങ് വർക്കേഴ്സ് കൺവെൻഷൻ സംഘടിപ്പിക്കുവാൻ പ്രവർത്തക സമിതി തീരുമാനിച്ചു. 2021 സെപ്റ്റംബർ 15 -ന് “യങ് വർക്കേഴ്സ് കൺവെൻഷൻ” ഓൺലൈനിലൂടെ ചേരും. കൺവെൻഷൻ ഡയറക്ടർ (എച്ച്ആർ) ശ്രീ അരവിന്ദ് വദ്‌നേക്കർ ഉദ്‌ഘാടനം ചെയ്യാമെന്ന് സമ്മതിച്ചിട്ടുണ്ട്. ബി‌എസ്‌എൻ‌എല്ലിൻ്റെ പുനരുജ്ജീവനത്തിനുവേണ്ടിയിട്ടുള്ള ജീവനക്കാരുടെ നിർദ്ദേശങ്ങളും, ജീവനക്കാരുടെ വിഷയങ്ങൾ പരിഹരിക്കാൻ ശക്തമായ ട്രേഡ് യൂണിയൻ പ്രസ്ഥാനത്തിൻ്റെ അനിവാര്യതയും കൺവെൻഷൻ ചർച്ച ചെയ്യും. ഈ ഓൺലൈൻ കൺവെൻഷനുള്ള ലിങ്ക് യഥാസമയം നൽകും. മുഴുവൻ യുവ ജീവനക്കാരെയും ഈ കൺവെൻഷനിൽ പങ്കെടുപ്പിക്കുവാൻ CHQ അഭ്യർത്ഥിക്കുന്നു.