വയനാട്ടിലെ ദുരിതാശ്വാസ പുനരധിവാസ പ്രവർത്തനങ്ങൾക്ക് മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു ദിവസത്തെ ശമ്പളം നൽകുന്നതിന് സന്നദ്ധരായി കേരളത്തിലെ ബിഎസ്എൻഎൽ ജീവനക്കാർ. ഓഗസ്റ്റ് മാസത്തിലെ തങ്ങളുടെ ഒരു ദിവസത്തെ ശമ്പളം പിടിച്ചു ദുരിതാശ്വാസ നിധിയിലേക്ക് നൽകാൻ ജീവനക്കാരുടെ സംഘടനകൾ തീരുമാനിച്ചു. ഇക്കാര്യം ആവശ്യപ്പെട്ട് കേരളത്തിലെ ബിഎസ്എൻഎൽ ജീവനക്കാരുടെ യൂണിയനുകളുടെയും അസോസിയേഷനുകളുടെയും സംയുക്ത വേദി കേരള സർക്കിൾ ചീഫ് ജനറൽ മാനേജർക്ക് കത്ത് നൽകി.