4G ഉപകരണങ്ങൾ ടെണ്ടർ പ്രക്രിയയിലൂടെ വാങ്ങി, BSNL 4G സേവനം ആരംഭിക്കാൻ കുറഞ്ഞത് 3 വർഷമെങ്കിലും സമയമെടുക്കും. അതുകൊണ്ട് നിലവിലുള്ള 4G അനുയോജ്യ BTS നവീകരിച്ച് BSNL 4G സേവനം ആരംഭിക്കണമെന്ന് AUAB ആവശ്യപ്പെടുന്നു. തെക്ക് പടിഞ്ഞാറൻ മേഖലകളിൽ 4G സേവനം ആരംഭിക്കുന്നതിനായി 18,500 BTS കളുടെ നവീകരണത്തിന് BSNL മാനേജ്മെൻ്റ് കമ്മിറ്റി
01.07.2021 -ന് അംഗീകാരം നൽകി. ഇതിന് ഏകദേശം 550 കോടി രൂപ മാത്രമാണ് കമ്പനിക്ക് ചിലവ് വരുക. മാനേജ്മെൻ്റ് കമ്മിറ്റിയുടെ ഈ നിർദ്ദേശം BSNL ബോർഡിൻ്റെ അംഗീകാരത്തിനായി സമർപ്പിച്ചു. എന്നാൽ BSNL ബോർഡ് മീറ്റിംഗിൽ, DoT- ൽ നിന്നുള്ള രണ്ട് സർക്കാർ ഡയറക്ടർമാർ അപ്‌ഗ്രേഡേഷൻ നിർദ്ദേശം അംഗീകരിച്ചില്ല. അതിൻ്റെ ഫലമായി നിലവിലുള്ള BTS അപ്ഗ്രേഡ് ചെയ്ത് 4G സേവനം ആരംഭിക്കുന്നതിനുള്ള പ്രവർത്തനം താൽക്കാലികമായി നിർത്തിവച്ചു. ഈ സാഹചര്യങ്ങളിൽ, BSNL ബോർഡിൽ സർക്കാർ ഡയറക്ടർമാർ സൃഷ്ടിച്ച തടസ്സങ്ങൾ നീക്കം ചെയ്യാൻ ബഹുമാനപ്പെട്ട വാർത്താ വിനിമയ മന്ത്രി ശ്രീ അശ്വിനി വൈഷ്ണവ് ഇടപെടണമെന്ന് ആവശ്യപ്പെട്ട് AUAB യുടെ നേതൃത്വത്തിൽ കത്ത് നൽകി.