സ്ത്രീകൾക്കെതിരായ അതിക്രമങ്ങൾ അവസാനിപ്പിക്കുക – മണിപ്പൂരിൽ സമാധാനം പുനഃസ്ഥാപിക്കുക – 27.07.2023-ന് പ്രതിഷേധ പ്രകടനങ്ങൾ സംഘടിപ്പിക്കുക – BSNLEU, BSNLWWCC
മണിപ്പൂർ സംസ്ഥാനം രണ്ട് മാസത്തിലേറെയായി സംഘർഷ ഭൂമിയാണെന്ന് എല്ലാവർക്കും അറിവുള്ളതാണ്. ഇതിന്റെ ഭാഗമായി സ്ത്രീകൾക്കെതിരെ അഭൂതപൂർവമായ അക്രമങ്ങളും അതിക്രമങ്ങളും നടക്കുകയാണ്. എന്നാൽ അക്രമം തടയാൻ കേന്ദ്രസർക്കാർ കാര്യമായ ഒരു നടപടിയും സ്വീകരിച്ചിട്ടില്ല. ഭരണഘടനയുടെയും മനുഷ്യാവകാശങ്ങളുടെയും ഏറ്റവും വലിയ ലംഘനമാണ് മണിപ്പൂരിൽ നടക്കുന്നതെന്ന് സുപ്രീം കോടതി പ്രസ്താവിച്ചത് വളരെ ശ്രദ്ധേയമാണ്. കേന്ദ്രസർക്കാർ നടപടിയെടുത്തില്ലെങ്കിൽ മണിപ്പൂരിലെ അക്രമങ്ങൾ നിയന്ത്രിക്കാൻ നടപടിയെടുക്കാൻ നിർബന്ധിതരാകുമെന്നും സുപ്രീം കോടതി സർക്കാരിനോട് പറയുകയുണ്ടായി. ഈ സാഹചര്യത്തിൽ ബി എസ് എൻ എൽ എംപ്ലോയീസ് യൂണിയനും വർക്കിംഗ് വിമൻസ് കോ-ഓർഡിനേഷൻ കമ്മിറ്റിയും (BSNLWWCC) 27 -07 -2023 ന് രാജ്യവ്യാപകമായി പ്രതിഷേധ പ്രകടനങ്ങൾ സംഘടിപ്പിക്കാൻ തീരുമാനിച്ചിട്ടുണ്ട്.
താഴെ പറയുന്ന മുദ്രാവാക്യങ്ങളാണ് നാം മുന്നോട്ടു വയ്ക്കുന്നത്.
(a) മണിപ്പൂരിൽ സ്ത്രീകൾക്കെതിരായ അതിക്രമങ്ങൾ അവസാനിപ്പിക്കുക.
(b) അക്രമം തടയാനും മണിപ്പൂരിൽ സമാധാനം പുനഃസ്ഥാപിക്കാനും അടിയന്തര നടപടികൾ സ്വീകരിക്കുക.
പ്രകടനങ്ങളിൽ പരമാവധി സഖാക്കളെ അണിനിരത്തി വൻ വിജയമാക്കാൻ എല്ലാ ജില്ലാ യൂണിയനുകളോടും BSNLWWCC യുടെ സർക്കിൾ, ജില്ലാ യൂണിറ്റുകളോടും അഭ്യർത്ഥിക്കുന്നു.
Categories
Recent Posts
- ഡയറക്ടർ(എച്ച്ആർ) മായി കൂടിക്കാഴ്ച്ച
- ശമ്പള പരിഷ്ക്കരണം – ചില വസ്തുതകൾ
- മൊബൈൽ ഹാൻഡ് സെറ്റ് സൗകര്യം നോൺ-എക്സിക്യൂട്ടീവ് ജീവനക്കാർക്കും ലഭ്യമാക്കുക – BSNLEU
- ലോക്കൽ കൗൺസിൽ യോഗം നടത്തണമെന്ന് ആവശ്യപ്പെട്ട് സർക്കിൾ ഓഫീസ് ജില്ലകൾക്ക് നൽകിയ നിർദ്ദേശം
- ഒരു വർഷത്തിനുള്ളിൽ 1.8 കോടി ഉപഭോക്താക്കൾ BSNL ഒഴിവാക്കി – ഇടപെടൽ ആവശ്യപ്പെട്ട് വീണ്ടും മന്ത്രിക്ക് കത്ത് നൽകി.