BSNL ലെ നോൺ എക്സിക്യൂട്ടീവ് ജീവനക്കാരുടെ ക്ഷാമബത്ത മരവിപ്പിച്ചതിനെതിരെ BSNL എംപ്ലോയീസ് യൂണിയൻ കേരളാ സർക്കിളിന് വേണ്ടി സർക്കിൾ സെക്രട്ടറി ബഹു:കേരളാ ഹൈക്കോടതിയിൽ നൽകിയ കേസിൽ ഹൈക്കോടതി താൽക്കാലിക വിധി പ്രസ്താവിച്ചു.

കോടതി വിധി

രണ്ടുഭാഗത്തേയും വാദം കേട്ടു

ഒന്നും രണ്ടും പ്രതികൾ (കേന്ദ്ര ഗവണ്മെൻ്റ് , DPE) ഫയൽ ചെയ്ത സ്റ്റേറ്റ്മെന്റുകളും പരിശോധിച്ചതിൻ്റെ അടിസ്ഥാനത്തിലാണ് താൽക്കാലിക വിധി. DPE യുടെ 19-11-2020 ലെ ഉത്തരവ് പൊതുമേഖലാ സ്ഥാപനങ്ങളിലെ എക്സിക്യൂട്ടീവ്/നോൺ യൂണിയനൈസ്‌ഡ് സൂപ്പർവൈസർമാർക്ക് മാത്രമാണ് ബാധകം. ആയതിനാൽ പരാതിക്കാരന്റെ യൂണിയയിനുള്ള ജീവനക്കാർക്ക് IDA നിഷേധിക്കരുത്.