അഖിലേന്ത്യാ പണിമുടക്കിന് തയ്യാറെടുക്കാൻ കേന്ദ്ര ട്രേഡ് യൂണിയനുകളുടെ സംയുക്ത വേദിയുടെ ആഹ്വാനം

തൊഴിലാളി വിരുദ്ധവും കോർപ്പറേറ്റ് അനുകൂലവുമായ നാല് പുതിയ ലേബർ കോഡുകൾ നടപ്പിലാക്കാൻ കേന്ദ്ര സർക്കാർ ശ്രമം നടത്തുകയാണ്. സ്വാതന്ത്ര്യാനന്തരം രാജ്യത്ത് നടപ്പാക്കിയ 29 തൊഴിൽ നിയമങ്ങളുടെ സ്ഥാനത്താണ് ഈ പുതിയ നാല് ലേബർ കോഡുകൾ കൊണ്ടുവരുന്നത്. നാല് പുതിയ ലേബർ കോഡുകൾ നടപ്പിലാക്കുന്നതിലൂടെ, ട്രേഡ് യൂണിയൻ പ്രസ്ഥാനത്തെ തകർക്കാനും ട്രേഡ് യൂണിയനുകളുടെ എല്ലാ പണിമുടക്കുകളും തടയാനും കേന്ദ്ര സർക്കാർ ലക്ഷ്യമിടുന്നു. കേന്ദ്ര ട്രേഡ് യൂണിയനുകളുടെ സംയുക്ത വേദി 06.01.2025 ന് ന്യൂഡൽഹിയിൽ യോഗം ചേർന്നു. കേന്ദ്ര ട്രേഡ് യൂണിയനുകളുടെ വിവിധ സമരങ്ങൾക്കിടയിലും നാല് ലേബർ കോഡുകൾ നടപ്പിലാക്കാൻ കേന്ദ്ര സർക്കാർ എല്ലാ ശ്രമങ്ങളും നടത്തുന്നുവെന്നത് ഉത്കണ്ഠയോടെ യോഗം വിലയിരുത്തി. നാല് ലേബർ കോഡുകൾ പിൻവലിക്കുന്നതിന് പണിമുടക്ക് ഉൾപ്പെടെയുള്ള ശക്തമായ സമരങ്ങൾക്ക് തയ്യാറാകണമെന്ന് കേന്ദ്ര ട്രേഡ് യൂണിയനുകൾ മുഴുവൻ തൊഴിലാളികളോടും ആഹ്വാനം ചെയ്തു. കേന്ദ്ര ട്രേഡ് യൂണിയനുകൾ അഖിലേന്ത്യാ പണിമുടക്ക് സംഘടിപ്പിക്കാൻ തീരുമാനിച്ചിട്ടുണ്ട്. തീയതി പിന്നീട് പ്രഖ്യാപിക്കും.കേന്ദ്ര ട്രേഡ് യൂണിയനുകളുടെ ആഹ്വാനം നടപ്പിലാക്കാൻ BSNL എംപ്ലോയീസ് യൂണിയൻ എല്ലാ ശ്രമവും നടത്തും.