റഫറണ്ടം : കൺവെൻഷൻ സംഘടിപ്പിച്ചു
ഒക്ടോബർ 12 ന് ബിഎസ്എൻഎല്ലിൽ നടക്കുന്ന റഫറണ്ടത്തോടനുബന്ധിച്ച് തൃശ്ശൂരിൽ ബിഎസ്എൻഎൽ എംപ്ലോയീസ് യൂണിയൻ സംസ്ഥാന കമ്മിറ്റിയുടെ നേതൃത്വത്തിൽ സംസ്ഥാനതല കൺവെൻഷൻ സംഘടിപ്പിച്ചു. ജനറൽ സെക്രട്ടറി പി.അഭിമന്യു മുഖ്യപ്രഭാഷണം നടത്തി. അഖിലേന്ത്യാ അസി.ജനറൽ സെക്രട്ടറി കെ.എൻ.ജ്യോതിലക്ഷ്മി അദ്ധ്യക്ഷത വഹിച്ചു. സംസ്ഥാന സെക്രട്ടറി എം.വിജയകുമാർ, മുൻ സംസ്ഥാന സെക്രട്ടറി സി.സന്തോഷ് കുമാർ, അഖിലേന്ത്യാ വർക്കിങ് വിമൺസ് കോ-ഓർഡിനേഷൻ കമ്മിറ്റി ജോയിന്റ് കൺവീനർ എം.ഭാഗ്യലക്ഷ്മി എന്നിവർ സംസാരിച്ചു. തൃശൂർ ജില്ലാ സെക്രട്ടറി സ.കൃഷ്ണദാസ് നന്ദി പ്രകാശിപ്പിച്ചു.
യോഗത്തെ അഭിസംബോധന ചെയ്ത സഖാവ്.പി.അഭിമന്യു രണ്ടാം പുനരുദ്ധാരണ പാക്കേജ്, 4ജി സേവനം, ബിഎസ്എൻഎല്ലിനെ രോഗബാധിതമായ കമ്പനിയാക്കി മാറ്റുന്നതിനുള്ള കേന്ദ്ര സർക്കാർ നടപടികൾ എന്നിവയെക്കുറിച്ച് വിശദമായി സംസാരിച്ചു. കഴിഞ്ഞ 3 വർഷത്തിനിടെ ബിഎസ്എൻഎൽ എംപ്ലോയീസ് യൂണിയൻ കൈവരിച്ച നേട്ടങ്ങളെക്കുറിച്ചും യൂണിയൻ ഏറ്റെടുക്കുന്ന പ്രശ്നങ്ങളെക്കുറിച്ചും അദ്ദേഹം വിശദമായി വിശദീകരിച്ചു. ബിഎസ്എൻഎൽ എംപ്ലോയീസ് യൂണിയൻ്റെ വിജയത്തിനായുള്ള എല്ലാ ശ്രമങ്ങളും നടത്താൻ യോഗം തീരുമാനിച്ചു. തിരഞ്ഞെടുപ്പ് പ്രചാരണത്തിനായുള്ള ബുക്ക്ലെറ്റിൻ്റെ മലയാളം പരിഭാഷയും പോസ്റ്ററും ജനറൽ സെക്രട്ടറി പ്രകാശനം ചെയ്തു.
Categories
Recent Posts
- ഡയറക്ടർ(എച്ച്ആർ) മായി കൂടിക്കാഴ്ച്ച
- ശമ്പള പരിഷ്ക്കരണം – ചില വസ്തുതകൾ
- മൊബൈൽ ഹാൻഡ് സെറ്റ് സൗകര്യം നോൺ-എക്സിക്യൂട്ടീവ് ജീവനക്കാർക്കും ലഭ്യമാക്കുക – BSNLEU
- ലോക്കൽ കൗൺസിൽ യോഗം നടത്തണമെന്ന് ആവശ്യപ്പെട്ട് സർക്കിൾ ഓഫീസ് ജില്ലകൾക്ക് നൽകിയ നിർദ്ദേശം
- ഒരു വർഷത്തിനുള്ളിൽ 1.8 കോടി ഉപഭോക്താക്കൾ BSNL ഒഴിവാക്കി – ഇടപെടൽ ആവശ്യപ്പെട്ട് വീണ്ടും മന്ത്രിക്ക് കത്ത് നൽകി.