സർക്കിൾ മഹിളാ കമ്മിറ്റി യോഗം സ.കെ.എൻ.ജ്യോതിലക്ഷ്മിയുടെ അധ്യക്ഷതയിൽ ഓൺലൈനിലൂടെ 14.11.2020 ൽ ചേർന്നു. സർക്കിൾ മഹിളാ കമ്മിറ്റി കൺവീനർ സ.വി.ഭാഗ്യലക്ഷ്മി സ്വാഗതം ആശംസിക്കുകയും തുടർന്ന് പ്രവർത്തന റിപ്പോർട്ട് അവതരിപ്പിച്ച് സംസാരിച്ചു. യോഗം സർക്കിൾ സെക്രട്ടറി സി.സന്തോഷ് കുമാർ ഉദ്‌ഘാടനം ചെയ്തു. BSNL 4G സേവനം, പൊതുപണിമുടക്ക്, BSNL ഡിമാൻഡ് എന്നിവയെ സംബന്ധിച്ച് ഉദ്ഘാടന പ്രസംഗത്തിൽ സർക്കിൾ സെക്രട്ടറി വിശദീകരിച്ചു. അഖിലേന്ത്യാ അസി:ജനറൽ സെക്രട്ടറി സ.എം.വിജയകുമാർ, സർക്കിൾ പ്രസിഡൻ്റ് സ.പി.മനോഹരൻ, സർക്കിൾ ട്രഷറർ ആർ.രാജേഷ് കുമാർ എന്നിവർ യോഗത്തെ അഭിവാദ്യം ചെയ്തുകൊണ്ട് പണിമുടക്ക്, തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് എന്നിവയുടെ പ്രാധാന്യത്തെ സംബന്ധിച്ച് സംസാരിച്ചു. പണിമുടക്ക് വിജയിപ്പിക്കാനാവശ്യമായ തീരുമാനങ്ങൾ യോഗം കൈകൊണ്ടു. സ.ബീനാ ജോൺ നന്ദി പ്രകാശിപ്പിച്ചു.
